Hugsanalestur ráðherra kemur að gagni

Það er augljóst mál að það þarf ekki að leggja fram tillögur á ALþingi og greiða um þær atkvæði þegar VITAÐ ER hver niðurstaðan verður. Forsætisráðherra Íslands býr yfir þeirri einstöku náðargáfu að geta skyggnst inn í hugarfylgsni sérhvers þingmanns. Hann VEIT hvað þeir hugsa, hann veit hvað þeir vilja.

"Naum­ur og þvingaður meiri­hluti síðasta þings studdi um­sókn um aðild en það ger­ir nú­ver­andi þing ekki."

segir Sigmundur Davíð Gunnlaugsson í viðtali við Morgunblaðið. 

Af hverju þarf hann að spyrja Alþingi að því sem hann þegar veit?

Ríkisstjórnin vinnur að því að fækka málum sem fara fyrir Alþingi og takmarka umræður á Alþingi, enda er það stefna ríkisstjórnarinnar að það þarf ekki ræða endalaust um mál þegar ríkisstjórnin veit hvað þingið vill.

 

Sigmundur Davíð Gunnlaugsson að stunda hugsanalestur

Besta hugsanlega niðurstaðan

Athugasemdir

[Jón Valur Jensson, 14.3.2015 kl. 21:40]

Ert þú nú farinn að tala sem Rödd sannleikans, Einar Karl Friðriksson? En hvaða kvörtunartónn er þetta í þér, eruð þið ekki allir að clebrera um helgina, Esb-Samfylkingar-stóðið, yfir því hve ráðherrarnir fóru héralega í málið og illa að ráði sínu og hafa þetta upp úr því: klúður, háð og hneisu. Það mætti halda að þeir hafi verið að þjóna ykkur í Samfylkingunni og Evrópusambandinu að gera þetta með þessum hætti.

Svei þeim stjórnmálamönnum sem geta ekki verið einarðir í vörn landsréttinda!

[Jón Valur Jensson, 14.3.2015 kl. 21:40]

CELEBRERA!